Әулиеатаның әлеуеті жыл санап артып келеді

Қасым-Жомарт Тоқаев Жамбыл облысының әкімі Асқар Мырзахметовті қабылдады. Мемлекет басшысына өңірдің әлеуметтік-экономикалық дамуының негізгі көрсеткіштері мен мемлекеттік бағдарламалардың орындалу барысы туралы баяндалды.
Қазақстан Президенті азаматтардың өмір сүру деңгейін арттыру мақсатында әділ әлеуметтік саясаттың жүзеге асырылуына басымдық беру керек екенін атап өтті.
– Облыс басшылығынан аталған мақсаттарға жету бағытында бастамалар мен нақты шаралар қабылдау талап етіледі, – деді Қасым-Жомарт Тоқаев.
Мемлекет басшысы Жамбыл облысын одан әрі дамыту туралы бірқатар нақты тапсырмалар берді.

* * *

Расында, соңғы мәліметтерге сүйенсек, облыс экономикасының барлық салаларында оң динамика қалыптасып отыр.
2018 жылғы алдын ала деректер бойынша облыстағы жалпы өңірлік өнімінің өсімі 3,7 пайызды (1417,5 млрд. теңге) құрады (жоспар — 103,8%), бұл республика өңірлері арасындағы 8 көрсеткіш (ҚР -104,1%).
Жалпы өңірлік өнімнің құрылымында өнеркәсіп үлесі 17,9%, ауыл шаруашылығы – 10,2%, құрылыс — 8,0%, сауда — 9,9%, көлік -18,2%, байланыс — 0,7%, жылжымайтын мүлікпен жасалатын операциялар – 7,5% салымдарының өсімі байқалады.
Еліміздің жалпы өңірлік өніміндегі облыстың жалпы өңірлік өнімінің үлес салмағы 2,4%-ды құрайды.
Анықтама ретінде айта кетсек, 2019 жылға арналған статистикалық жұмыстар жоспарына сәйкес (Ұлттық экономика министрінің Қазақстан Республикасының 2018 жылғы 12 қарашадағы №67 бұйрығы) 2018 жылдың қорытындысы 2019 жылдың 22 тамызында жарияланады.
Қысқа мерзімді экономикалық индикатор үстіміздегі жылдың 4 ай қорытындысымен 101,9% пайызды құрады.
2019 жылдың қаңтар-сәуір айларының қорытындысы бойынша өнеркәсіп өнімінің нақты көлем индексі 102,1%-ды құрап, 154 095,8 млн.теңгенің өнімі өндірілді (оның ішінде кен өндіру өнеркәсібінде – 16753,1 млн.теңге (НКИ – 103,2%), өңдеу өнеркәсібінде – 112127,1 млн.теңге (104,8%).
Ауыл шаруашылығында нақты көлем индексі 102,6%-ды құрады (32 050,8 млн. теңге), оның ішінде өсімдік шаруашылығында – 100,0% (368,4 млн. теңге) және мал шаруашылығында – 102,7% (31 664,5 млн. теңге).
Негізгі капиталға салынған инвестиция көлемі өткен жылдың тиісті кезеңімен салыстырғанда 14,6%-ға артты (52427,6 млн.теңге).
Құрылыс көлемі 17477,7 млн. теңгені құрап, 1,2%-ға артты.
Тұрғын үй құрылысында 125,0 мың шаршы метр тұрғын үй пайдалануға берілді (бұл 2018 жылдың тиісті кезеңіне 104,8%).
Бөлшек сауда айналымының нақты көлем индексі 104,6%-ды құрады (87 097,1 млн. теңге).
Жүк тасымалы – 0,6%-ға төмендеді, жолаушы тасымалы 3,0%-ға өсті.
Инфляция деңгейі 101,8% деңгейінде қалыптасты (орташа республикалық деңгейінде (ҚР– 101,8%)). Азық-түлік тауарларға тұтыну бағасы 4,8%-ға артты (ҚР– 104,8%), азық-түлік емес тауарлар – 1,1%-ға (ҚР – 101,3%), ақылы қызметтер – 1,1%-ға төмендеді (ҚР – 98,8%).
Халықтың орта есеппен жан басына шаққандағы атаулы ақшалай табыстары 2018 жылдың 4 тоқсанында 65056 теңгені құрап, 2017 жылдың тиісті кезеңімен салыстырғанда атаулы көріністе 11,1%-ға, нақты 5,6%-ға артты.
Орташа айлық атаулы жалақы 2019 жылдың 1 тоқсанында 112,3 мың теңгені құрап, атаулы көріністе 9,9%-ға, нақты көріністе — 4,6%-ға өсті.
Жұмыссыздық деңгейі 2019 жылдың 1 тоқсанында 4,9%-ды құрады.
2019 жылдың 1 мамырына облыс бюджетінің кірістері 76,3 млрд. теңге сомасында, яғни 106,2%-ға қамтамасыз етілді.
Меншікті кірістер жоспары 20,3 млрд. теңгеге (жоспар 15,9 млрд. теңге) немесе 127,8%-ға орындалып, бюджетке 4,4 млрд. теңге жоспардан артығымен түсті, былтырғы жылдың сәйкесінше мерзімімен салыстырғанда өсім 116,4%-ды құрады (+ 2,9 млрд.теңге).
Әрине, Әулиеатаның әлеуеті жыл санап артып келе жатқаны қуантпай қоймайды. Ендеше, өңірдің тасы өрге домалай беруін тілейміз! Жаса, жайна, жасампаз Жамбыл!

Добавить комментарий

Ваш e-mail не будет опубликован. Обязательные поля помечены *